અતીત
ડૉ. હૉકિન્સની લેબમાં પ્રવેશતાં જ અતીત
રોમાંચિત થઈ ઊઠ્યો. 'ટાઈમ ટ્રાવેલિંગ ચેર' પર બેઠો; બેલ્ટ બાંધ્યા; 'બેક - 50 યર્સ'નું બટન દબાવ્યું. એ સાથે જ...
એની નજર સમક્ષ બાળપણ તરવરી ઉઠ્યું, ને એ બાળક બની
ગયો. અતીતે આસપાસનો
માહોલ જોયો, તો જણાયું કે એ
અનાથાશ્રમમાં ઉભો છે.
અતીતને ધ્રાસકો પડ્યો. એ પાછો વળીને ભાગ્યો... 'ટાઈમ ટ્રાવેલિંગ
ચેર' પર તરાપ મારીને બેસી ગયો, ને ત્વરિત બટન દબાવ્યું. ઉતાવળમાં થાપ ખાધી. ભૂલથી 'બેક - 5 યર્સ મોર'નું બટન દબાયું.
પોતાની જાતને કોઇક અંધારી જગ્યાએ અનુભવી. બહાર
એક ધોધરો અવાજ સંભળાયો,
"એ બહાર આવે એટલે એને ઉકરડામાં ફેંકી દેજે..."
---------------
(શબ્દો: ૯૬)
(પ્રોમ્પ્ટ : એની નજર સમક્ષ બાળપણ તરવરી ઉઠ્યું, ને એ બાળક બની
ગયો.)
---------------
No comments:
Post a Comment